Ur radio kevredigezhel eo Radio Kerne. Ar c'huzul merañ eo a ziviz hag a heul politikerezh ar radio. Kemend hini a c'hell bezañ ezel ha kemer perzh (pe get !) e buhez ar radio: kas da benn abadennoù, reiñ e sikour war an dachenn deknikel, reiñ da c'houzout ne vefe ket fall ober un abadenn war tra-mañ-tra pe den-mañ-den... a bep seurt doare da gregiñ e-barzh zo.
Hep an izili, radio Kerne ebet. Ma plij deoc'h hon abadennoù, hon programm sonerezh, ma faotr deoc'h kas pelloc'h an "traoù".... deuit da vezañ ezel eus Radio Kerne.
Burev ar Radio gant Lena Louarn, Bezprezidantez Kuzul Rannvro Breizh ha Pierre Le Berre, Maer Ploneiz